هذي شروط واحد يبي يتزوج ......... مو صاااااااااحي !!!!!

السلام عليكم ورحمة الله وبركاته

هذا واحد ماخذ مقلب في نفسه ............ وحاط شروط تعجيزيه

يعني يبغى عروسه تفصيل مو جاهز اسيبكم مع شروطه وانتم الحكم


********************************

سلااااام عليكم

يا جماعه الدنيا ميب الدنيا...
والناس ميب الناس..

والواحد صار يخاف اليوم ينام على السرير ومتغطي..وبكره ينام على الأرض بدون غطا..

والدنيا كلها على نار...

واليوم نشوف بالتلفزيون..بكره يمكن نطلع بالتلفزيون..

واذا صار الي صار..
واختلط الحابل بالنابل..

الواحد ما راح يعرف صديقه, ولا حتى اخوه.. واكبر همه مرته وعياله..

طيب والي كبر الجدار مثلي.. ولا عنده لا مره ولا عيال؟؟

وش يسوي؟؟
يصيح على صدر مين؟؟
ينتبه لمين؟؟
ويخاف على مين؟؟

من اول انا اقول لنفسي.. ما راح اعرس لين اكون نفسي..
بس خلاص.. طز في نفسي.. انشاء الله عمرها ما تكونت..

وعلى قولة محمود ياسين لنجلاء فتحي..(انا مش عايز اي حاجه.. انا عاوزك انتي.. انشاء الله نعيش في عشه فوق السطوح)

صحيح انها ردت عليه (اقول ورا ما تاكل تراب وتنثبر)
بس معليش..


المهم الحين...

انا محمود ياسين.. وابي نجلاء فتحي...على وجه السرعه..وقبل ما اغير رأيي..

ونظرا للظروف الراهنه..انا شلت ثلاث ارباع شروطي.. وما بقيت الا الأشياء المهمه..


المواصفات المطلوبه:

-1 عيون مرح جبر, او راغده(من جار القمر).

-2 شعر نورمان اسعد.(قبل ما تقصه..يقولون انها قصته.. منها لله)

-3 خفة دم امل عرفه.

-4 ابتسامه فرح بسيسو.

-5 صوت اصاله.

-6 رومانسية ماجده الرومي.

-7 بالنسبه للثقافه او المؤهل... ما راح نختلف(يعني شي هامشي)




طريقة الإشتراك:

1- يجب استيفاء كامل الشروط الي فوق... ولا واحد ينقص.

2- تحط صوره هنا مقاس اربعه في سته(متر طبعا).

3- ايضا تحط هنا ملف صوتي, (عباره عن ملحمه شعريه فيني لا تقل عن الف بيت.. بصوتها)

4- خمسمية ريال رسم اشتراك وفرز.

5- نظرا لكثرة المشتركات المتوقع طبعا, راح نسوي مسابقه بنسميها اولمبياد عبــادي آل كبــده , وتحتوي على كل مسابقه رياضيه بالأولمبياد, والخمسميه الأوائل هم فقط من سيتم النظر الى طلباتهم.(حظا اوفر للبقيه من الحين)

6- الفائزه الأولى.. راح تفوز فيني بالطبع.. الفائزات من 2 الى 5 راح يكون عندهم حجز انتظار..الفائزات من 6 الى 500 راح نعطيهم شهاده رسميه بالمركز الذي حصلوا عليه, وهذا بالطبع راح يساعدهم في حياتهم العلميه والعمليه في المستقبل وعدم الفوز بهذه المسابقه لا يعني نهاية الدنيا.. يعني نتمنى من من لم يحالفهم التوفيق ان يكون لديهم روح رياضيه, وليتذكروا فقط انهم من الخمسمية الأوائل.. وهذا شي كبير.

7- في حالة التعادل في المركز الأول, راح يكون فيه مسابقه من نوع خاص بين البنتين المتعادلتين, وراح تكون هذه المسابقه اننا راح نحط صورتي(4 في 6 سم) في اعلى قمة من قمم جبال الهملايا, وراح نخلي البنتين يروحون من السعوديه لم هذولي القمم مشي على الأرجل, ويتسلقون الجبال, والي يحصل على الصوره, ويجيبها لم السعوديه مره ثانيه, راح يكون هو الفائز الأول.

8- اخر يوم لقبول المشاركات هو يوم امس..واي وحده تتأخر, راح تدفع زياده خمسميه.



ومن كل قلبي.. اتمنى التوفيق للجميع