ev helbeste bi navê serxwebûn dîyarî bo NEWROZ li gel rêz û silava

سه‌رخوه‌بوون

دێ نڤێسم
سه‌ر ئه‌ور و با و باهوزێ
سه‌ر به‌فر و باگێر و تۆزێ
دێ نڤێسم
ڵسه‌ر قورمێ که‌ڤنه‌ دارێ
سه‌ر سنگێ ته‌
ل ناڤ به‌را هه ر دو مه‌مکێن
دوستێ یارێ
دێ نڤێسم
سه‌ر باقوفکێن ڤێ بهارێ
سه‌ر لێڤێن ته‌
ئه‌وێن ته‌ڕ بوین ژخوناڤ و هه‌م خویسارێ
سه‌ر پڕچا ته‌
ئه‌وا هه‌رده‌م وه‌ک سویلاڤا
تێته‌ خارێ
دێ نڤێسم جان ناڤێ ته‌
ل سه‌ر ده‌رازینکا خانی
ل سه‌رهه ر دو په‌ڕێن سیمه‌رخا
ل سه‌ر ئه‌سمانی
ئه‌ز دلدارێ ناڤێ ته‌مه‌
ئه‌ی سه‌رخوه‌بوون
دێ نڤێسم
ل سه‌ر ئێش و ته‌ڤ ئازارا
دێ نڤێسم
سه‌ر ئاخینکێن ئه‌ڤیندارا
ل سه‌ر خه‌ونێن به‌رێ سپێدێ
ل سه‌ر هه‌تاڤ سورکێن ئێڤارا
دێ نڤێسم رند ناڤێ ته‌
ل که‌فا گوپالێ شڤانی
ل سه‌ر گۆلا رند بێریا
ده‌ما په‌ز ئێڤاری تێته‌
هه‌فشی و دانی
ل سه‌ر به‌رێن ئویسلا تری
وی مه‌ڕمه‌ڕی وی هه‌لانی
دێ نڤێسم
ل سه‌ربالیفکا زاڤاینیێ
ل سه‌ر گوستیلکا کابانیێ
ل سه‌ر چنارا سیبه‌رێ د ده‌ته‌ کانیێ
دێ کۆلم وی شه‌نگ ناڤێ ته‌
ل سه‌ر خه‌پ و نیرکێن هه‌ڤجاڕی
ل سه‌ر گێسنی
ل سه‌ر هه‌ردو زه‌ندکێن جوتیاری
دێ نڤێسم
ل سه‌ر پێکوچکێن که‌ڤنه‌ واری
ل سه‌ر خیڤه‌تا ده‌ربه‌ده‌ریێ
ل سه‌ر دلێ خو
من ئه‌و مایه‌
ها بوته‌ ئه وژی دیاری۰

شێرزاد زین العابدین