امثلة شعبية بتتكت على الميكروباصات ههههههههه

الميكروباصات طبعا بنلاقيهم كاتبين كلام ملوش حل.

ودي أمثــــــال عربيــــات النقــــل والميكروباصات:-

1- متبصليش بعين رضيه دنا طلع عيني فى السعوديه

2- ربنا يحميكى من الميكانيكى

3- الحلوة أسمها تفاحة للسفر والسياحة

4- الحلوة من حلوان وصاحبها راجل غلبان

5- الحلوة من دمياط وعليها أقساط

6- قصه كفاح مش جايه على المرتاح

7- متزمريش ياهانم دا السواق نايم

8-الاموره ساره للسياحه والتجاره

9-الاموره شهد كانت بتاعه الملك فهد

10-اللي خايف علي عربيته يوسع الاموره جايه وهتلسع

11-متحسدونيش وخلوني اكل عيش

12-العين صابتني ورب العرش نجاني والحسود خنقني مش عارف اعمل ايه تاني

13-بيبصولك بعكننه مع انك عربيه معفنه

14-ربنا علي المفتري مع انك عند السمكري.

15-يا حنان يا منان اكفينا شر اللجان

16-الاموره عزيزه متسواش بريزه

17-بيبصولك بصه مش هيه مع انك عايزه بطاريه

18-الاموره فتكات صاروخ النايل سات

19-الاموره فتحيه مبتعديش الميه

20-الاجره لو سمحت الدنيا بقت فحت

21-بيحسدوني عليك يا كوكو مع انك عند بتاع الدوكو

22-الاموره الطافشه مفيهاش عفشه

23-الاموره لاسي مفيهاش كراسي

24-يا ناس يا بوليس.الاموره مفيهاش فتيس

25-ياناس يا حلوين.الاموره مفيهاش بنزين

26 - متبصليش يا جبان .. ده انا جايبها بدهب المدام .

27 - تعمل حسابى اقدرك .. تهزر معايا اعورك .